“İslam Həmrəyliyi İli” Multikulturalizm İli”nin davamıdır


“Dünyada gedən proseslərin fonunda Azərbaycan 2016-cı ili uğurla yola saldı. Hər birimiz “Multikulturalizm İli”nin siyasi, ideoloji, mədəni və mənəvi bəhrələrinin şahidi olduq”.

Bu sözləri Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdullayev yanvarın 13-də keçirdiyi mətbuat konfransında deyib.

Multikulturalizmin Azərbaycan modelinin bütün dünyaya səs saldığını vurğulayan Dövlət müşaviri bildirib ki, bu işdə bütün Azərbaycan ziyalıları, dövlət və hökumət qurumları fəal iştirak etdilər.

“”Multikulturalizm İli”nin təbii davamı kimi, 2017-ci ilin “İslam Həmrəyliyi İli” elan olunması çox böyük siyasi uzaqgörənliklə irəli sürülən ideyadır. Bu, həm Azərbaycanda keçiriləcək İslam Həmrəyliyi Oyunları ilə, həm də İslam dünyasında baş verən proseslərə nizam gətirmək istəyi ilə bağlıdır” - deyə Kamal Abdullayev vurğulayıb.

AZƏRTAC 

Tarix: 13.01.2017

Son xəbərlər